第一章 投機所面對嘅挑戰
投機係呢個世界上最撚好玩嘅遊戲。不過咁，呢個遊戲係唔撚啱啲磨碌、懶到仆街、磁能線，或者希望大賭變李嘉誠嘅鳩戇仔玩嘅。呢班友太戇鳩，投機註定做大戶點心，實會變窮撚。
咁多年以來，每次我出去蒲，就總有班三唔識七嘅茂利走埋來自我介紹之後問我：「澤西哥，你炒野咁勁，過兩招黎啦！」
當年我重係生勾勾嘅時候，重會屎忽痕咁嘗試同佢地解識想喺股市度搵快錢唔係咁撚易嘅，大撚把大戶庄家同老千玩鳩你。又或者我發現條友根本點極都唔撚明，我就會借尿循。但係幾年之後我發現我根本喺度晒鳩氣，所以直接答佢地：「唔撚知呀。問財演啦屌你！」
對住呢班友我真係無乜撚野耐性。如果佢地真心識得尊重同欣賞我嘅話，根本就唔會向我呢種對投資同投機做過深入研究嘅人問呢啲濕鳩問題。就好似有個得小學畢業嘅MK走去問個律師或醫生：「點樣可以喺法律或者手術方面搵快錢？」
不過咁，我依然相信有一部份對股市投資或投機真心有興趣又願意付出努力的貧友，只要我指條明路佢地行，佢地嘅努力就會得到相應嘅回報，所以我就為佢地寫左呢本書，係咪好撚偉大？
我肯撚定呢本書嘅內容你無可能喺果班收你一萬幾千蚊嘅乜蛇物蛇身上學到。因為書入面會講下我投機人生入面嘅重要經驗，包括中中中、仆街中伏，同埋當中學到嘅野，當中包含左我認為投機當中最重撚要嘅要素：價格同時間。
繼續講落去之前，記住，你最終係咪成功係好睇你有幾努力咁去做好交易紀錄，用個腦而唔係屎忽去諗野，同埋自己去諗出答案。好簡單，唔通你淨係靠睇左本《點撚樣減肥》但乜撚都唔做就可以變瘦咩。如果你真係對投機有興趣，記住要當佢一盤生意咁去做，而唔係好似一般老散咁當佢係賭搏。要賭錢你入賭場，咪撚入市場。如果你識咁諗嘅話，你就會明白投機呢項事業係需要自己比心機同學習，研究市場本質，而唔係比錢班乜柒蛇同埋財演上堂入谷攞冧把。
經過無數個半夜扎醒嘅夜晚，不停咁翻查自己嘅膠液紀錄同埋研究市場嘅走勢，我終於領悟出一個真諦，無論係股票定係商品投機，根本就係萬變不離其宗。我地一定要認清呢個真理：個市唔係日撚日都啱炒。正如你可能贏左場馬但你唔會場場馬都贏。有時候我地的確可以喺投機市場度輕鬆贏錢，但你唔好諗住可以日撚日同個個星期都數錢錢，你估你係收銀員咩屌。
喺落場買賣之前，你一定會有自己嘅睇法，覺得隻股票或者個市肯撚定會升，但你咪撚當自己係股神，個市一日唔升，你一直都係錯。市場佢自己鍾意升就升跌就跌，而唔會理你想佢點。同我記撚住：個市永遠都唔會錯，但你嘅睇法就成撚日錯！你知啦，你又唔係超級大戶，你點睇或者你想個市點行有撚用咩。今時今日，就算出動國家隊都唔一定可以救到個市啦，何況你條蛋散？
事實上，好多時當你有個睇法，覺得個市來緊會升到仆街，就算你明明係睇中左，但偏偏你係輸，點撚解？因為你太早狗衝囉，然後就發現你一落場個市就行相反方向，好似個市睇撚住你來玩咁。好啦，你依然覺得你睇法無撚柒錯，幻覺來嘅啫呃你唔到，坐多陣睇下點啦。點知坐下坐下，你見到個市唔係one 磨two磨，而係鳩磨！你覺得好撚悶，忍唔住決定止蝕離場，但係幾日之後，個市又真係升返上來，你心諗屌那星話撚左個市會升架啦，二話不說又衝返入去買個市升。但你發現，你一買入，個市又調頭跌返來去，你即時一句仆你個臭街玩撚夠未，繼而又斬纜止蝕。連輸兩次之後你已經灰鳩左，對住個市都淆撚晒底，唔敢再亂咁出手。結果幾日之後，個市真係來料，升到上太空，不過已經唔撚關你事……
我想講嘅係，就算你覺得你個睇法堅過石堅，都千其唔好隨便狗衝入場。你要耐心睇下隻股或者個市嘅走勢係點樣，從而判斷你嘅睇法啱唔啱。舉個例子，有隻屁股賣緊$25，而且不斷喺$22至$28呢個區間入面鳩chok左好一段時間。假設你覺得隻股最終會炒到上$50，但而家佢重係賣緊$25，哇！今鋪重唔達已發？咪撚狗衝住，等隻股啲成交變得活躍啲，等佢破左高位，例如升到上$30，你就可以好撚老定咁講個市證明左你啱，呢隻屁股有好撚強嘅彈性，否則唔會升到上$30。只要隻股唔再跌返落個區間度，你就知佢已經進入上升趨勢，係時候買佢。可能你會話自己做乜咁鳩戇唔喺$25果時就買佢，咁咪有20%浮盈喺手囉。但你唔好忘記，個情況可以係你喺$25入左之後，隻股繼續喺個區間入面鳩chok，chok到你無撚晒mood，然後喺$23止蝕離場。由於你喺$23賣左隻股，他日佢突破區間升上$26、$27、$28、$29、$30，你都唔會想追返入佢，因為你覺得低位賣左，高位追返好易瞬間變柒頭，然後呢？你目送隻股直衝上＄50。「曾經有一隻好正嘅屁股擺喺我眼前，我沒有去珍惜，等到失去了才後悔莫及，塵世間最痛苦的事莫過於此，如果上天能給我一個再來一次的機會，我希望能對那隻屁股講我愛你，如果非要給這愛加一個數量的話，我希望是一百萬股。」
第一章 ‧ 未完待續……
Comments